अपिल

अपिल

आदरणीय जनसमुदाय
सर्वप्रथम ने.क.पा.(एकीकृत) र यसको सहायक संगठन नेपाल युवा कम्युनिस्ट संघ (एकीकृत) ले “सीमा अतिक्रमण र वैदेशीक हस्तक्षेपको विरुद्ध हाम्रो अभियान, समृद्ध नेपालका लागि निर्धारित समयमा अग्रगामी संविधान †” भन्ने मुल नाराका साथ मेची–महाकाली जनजागरण अभियान संचालन गर्न गइरहेको कुरा यहा“हरुलाई सहर्ष जानकारी गराउन चाहन्छौ । यो जनजागरण अभियानले मुलतः १) राष्ट्रियता, तथा २) जनजीविका र जनतन्त्रको सवालमा देशभरि जनजागरण र सचेतता निर्माण गर्ने मात्र नभई यसका निम्ति संघर्ष उठान गर्ने सवालमा पनि कोशेढुंगा सावित हुनेछ भन्ने कुरामा हामी विश्वस्त छौं ।

आज देशको राष्ट्रियताको अवस्था अत्यन्त नाजुक छ । राष्ट्रिय स्वाधिनताको रक्षा अहम् सवाल बनेको छ । हाम्रो मुलुकको सार्वभौमिकता र स्वतन्त्र अस्तित्व विरुद्ध बैदेशिक दबाव र हस्तक्षेप तिब्ररुपले बढेको छ । विगत लामो समयदेखि कालापानीमा भारतीय सेनाको उपस्थिति कायमै छ । सन् १९५० लगायत विगतका कयौ असमान सन्धि–सम्झौताहरुका कारणले मुलुकले दवाव झेल्दै आएकोमा हाल आएर सुपुर्दगी सन्धि गर्न, सीमा नक्शामा हस्ताक्षर गर्न र हवाई मार्शल राख्नका लागि समेत भारतले दवाव दिदैआएको छ । ताप्लेजुङ, कुनौली, ठोरी, सुस्ता, कोइलाबासदेखि ब्रह्मदेवमाडी र कालापानीसम्मका ५४ भन्दा बढी स्थानमा भारतद्वारा करिब ६० हजार हेक्टर नेपाली भुमि अतिक्रमण गरिएको छ । सीमानामा भारतद्वारा अन्तर्राष्ट्रिय कानुन र प्रचलनका विरुद्ध बा“धिएका बा“धका कारण कयांै नेपाली भू–भाग डुबानमा परेर धनजनको क्षति हुदै आएको छ । त्यसैले यि सबै बैदेशिक अतिक्रमण, दवाब र थिचोमिचो विरुद्ध जुध्नु नेपालका हिमाल, पहाड, तराई र सबैतिर बसोबास गर्ने स्वाभिमानी नेपालीको कर्तव्य बन्दछ ।

एकातिर राष्ट्रियताको स्थिति यस्तो छ भने अर्कोतिर लोकतन्त्र पनि खतरामा पर्दै गएको छ । जनताको अदम्य साहस र बलिदानबाट संविधानसभाको निर्वाचन र संघीय गणतन्त्र स्थापना भएपनि सार्थक संविधान निर्माण कार्य सुस्त प्रायः भएको छ । सत्ताधारी र प्रतिपक्षमा रहेका प्रमुख दलहरुको बेमेल, असहमति र बेग्लाबेग्लै स्वार्थ र हानथापका कारण संसद अवरुद्ध छ । शान्ति प्रकृया र सेना समायोजनको प्रश्न पनि जटिल बन्दै गएको छ ।

राष्ट्रपतिको असंबैधानिक कदम, त्यो कदम सच्याउ“न भएको ढिलाई, अवसरवादीहरुको कुर्ची मोह, यथास्थितिवादीहरुको तिब्र ध्रुविकरण, साम्राज्यवादी र विस्तारवादीहरुको बलियो उपस्थिति र उनीहरुको विभिन्न पार्टीमा बलियो प्रभाव तथा प्रतिगामी सामन्ति तत्वहरुको प्रतिगमनका निम्ति सकृय उपस्थितिका कारण सार्थक संविधान निर्माणको निकास अवरुद्ध ह“ूदै गएको छ । यथार्थमा नया“ संविधान निर्माणका निम्ति बेग्लाबेग्लै सिद्धान्त, नीति बोकेका भए पनि संघीय गणतन्त्र स्थापनाका पक्षधर शक्तिहरु बीच न्युनत्तम सवालहरुमा सहमति हुनु पर्ने हो, त्यो भएको छैन । पूर्वी पहाड र तराईका केहि क्षेत्रहरुमा राजनीतिक लेपभित्र कतिपय अपराधिक तत्वहरुको चलखेल बढिरहेको छ । समग्रमा देश मुठभेडतिर जाने खतरा पुनः बढेको छ । यि र यस्ता प्रकारका गतिविधिहरुका कारण निर्धारित समयमा अग्रगामी संविधान निर्माणको कार्य पनि प्रभावित भएको छ । हालै मात्र संविधानसभाको कार्यतालिका छैठौ पटक संशोधित भएको छ । यि सबै प्रकारका गतिविधिहरु समयमै अग्रगामी संविधान नबन्ने लक्षणहरु हुन् । अग्रगामी संविधान समयमा नबनेमा देशमा पुनः प्रतिगामी वा विभिन्नखाले तानाशाही शक्ति शासन हत्याउने खेलमा प्रकारान्तरले सफल हुदै जानेछन् । अतः समयमा अग्रगामी सार्थक संविधान निर्माणका निम्ति पनि चौतर्फी जनदवाव आजको अहम् राष्ट्रिय कार्यभार हो ।

आज नेपाली जनताले दैनिक जीवनयापन गर्ने सवालमा पनि अत्यन्त कठिन अवस्थाको सामना गर्नु परेको छ । देशका विशेष गरी हिमाली र पहाडी क्षेत्रमा खाद्यान्न अभाव र हैजाको प्रकोपबाट जनता आक्रान्त छन् । यता जलवायु परिवर्तनको असरले तराईम्ाँ पनि खाद्यान्न कम हुने अवस्था छ । पश्चिम नेपालका बाढी पीडित र कोशी पीडितहरुको राहत र पुनस्र्थापनाको प्रश्न पनि समाधान हुन सकेको छैन । उपभोग्य र उपयोगि सामानहरुको अत्यन्त बढ्दो मुल्यवृद्धि र बस्तुहरुको अभावले आम जनजीवन कष्टकर बनेको छ ।

एकातिर जनताको यस्तो अवस्था छ भने अर्काेतिर माधव कुमार नेपालको नेतृत्वको सरकार जम्बो र देशको लागि महंगो मात्र भएको छैन, अझ यो प्रकारको गठबन्धनीय सरकार शान्ति प्रक्रियालाई अबरुद्ध र परिवर्तनको दिशालाई सुनिश्चित गर्न नचाहने गतिविधितिर उन्मुख भएको देखिन्छ । देशको ढुकुटीको ठूलो हिस्सा भत्ता र सुविधाका फजुल खर्चमा गएको छ भने जनताको जनजीविकालाई सुविस्तायुक्त बनाउ“न सरकारको कुनै चासो र चिन्ता देखिदैन । यी प्रकारका अबान्छित गतिविधिहरुलाई रोक्नका निम्ति पनि जनजागरण र दवाबमुलक संघर्षको आवश्यक छ । यसरी समग्रमा उपरोक्त स्थितिमा मूलतः राष्टिय स्वाधिनताको रक्षा, सीमा अतिक्रमणको विरोध, समयमै अग्रगामी सार्थक संविधानको निर्माण र जनजीविकाको सुगमताका लागि देशव्यापी दवाव श्रृजना गर्न र जनचेतना जगाउ“न हामीले यो “मेची–महाकाली जनजागरण अभियान–२०६६” संचालन गर्न गइरहेका छौ । माथि उल्लेखित विषयहरु कुनै एक व्यक्ति वा पार्टीको मात्र सरोकारको विषय नभएकोले यो कार्यक्रमको महत्वलाई आत्मसाथ गर्दै सम्पूर्ण न्यायप्रेमी तथा देशभक्तहरुको सहभागिता पनि रहने कुरामा कार्यक्रम आयोजक विश्वस्त छ । हाम्रो पार्टी नेकपा (एकीकृत) ले विगत समयमा नेकपा (एमाले), माओवादी एवं नेपाली का“ग्रेसका सत्ता लिप्साको विरोध गर्दै राष्ट्रियता र जनजीविका तथा जनतन्त्रका लागि एकल तथा संयुक्त दवाबमुलक र रचनात्मक कार्यक्रमहरु, सिंहदरबार घेराउ, मसाल जुलुस, कोणसभाहरु, अन्तरक्रिया तथा गोष्ठी कार्यक्रमहरु, नेपाल तथा उपत्यका बन्द, सरकारी अफिसमा छड्के निगारानी, हैजा पीडित क्षेत्रमा तुरुन्त सरकारी सेवाका लागि स्वास्थ्य तथा जनसंख्या मन्त्रालय घेराउ, जनतन्त्रका विभिन्न विषयमा सरकारलाई ज्ञापन पत्र दिने आदि कार्यक्रमहरु गर्दै आइरहेको छ । यो राष्ट्रिय जनजागरण अभियानमा पनि राष्ट्रियता तथा जनजीविका र जनतन्त्रको पक्षमा रचनात्मक र दबावमुलक दुबै कार्यक्रमहरु संचालन हुनेछ । यो दौरानमा गोष्ठी, अन्तरक्रिया, सभा, पर्चा वितरण, वालपेन्टिङ र मंसीर १० गतेदेखि २२ गतेसम्म मेची–महाकाली मोटरसाइकल ¥याली गरि देशव्यापी अभियान संचालन गरिनेछ । हाम्रो यो जनजागरण कार्यक्रममा सयौं नेता÷कार्यकर्ता र हजारौ जनताको सहभागिता हुनेछ । यस कार्यक्रमलाई सफल बनाउ“न सदा झै देशका बुद्धिजीवी, युवा, महिला, मजदुर, किसान, विद्यार्थी, उद्यमी व्यवसायी सबैबाट सहयोगको अपेक्षा गरेका छौ र सवैस“ग कार्यक्रम सफल पारिदिन हार्दिक आह्वान गर्दछौ ।

नाराहरु
सीमा अतिक्रमण– बन्द गर ।
अतिक्रमित भूमि– फिर्ता गर ।
भारतीय सेना कुटियाङ्दी– पारी जा ।
१९५० लगायतका असमान सन्धी– सम्झौता– खारेज गर ।
राष्ट्रघाती महाकाली सन्धि– खारेज गर ।
निर्धारित समयमा अग्रगामी संविधान– जारी गर ।
मुल्यवृद्धि– नियन्त्रण गर ।
तस्कर तथा कालाबजारियाहरुलाई– कडा कारवाही गर ।
जनआन्दोलनका दोषीहरुमाथि — कारवाही गर ।
कोशी लगायतका बाढी पीडितहरुलाई राहत र पुर्नस्थापनको– व्यवस्था गर ।
युवा वेरोजगार– अन्त्य गर ।
जातीय, क्षेत्रीय भेदभाव– अन्त्य गर ।
साम्प्रदायिक सद्भाव– कायम गर ।

कार्यक्रमको विबरणः–
उद्घाटनः–०६६ मंसीर १० गते महेन्द्रनगर गड्डाचौकी,
रामसिंह श्रीस, महासचिव, नेकपा (एकीकृत)
समापनः–०६६ मंसीर २२ गते झापा का“कडभित्ता,
ऋषिराम शर्मा कट्टेल, अध्यक्ष, नेकपा (एकीकृत)
अभियानको कार्यक्रम र रुटहरु
०६६ मंसीर १० गते
उद्घाटनः–०६६ मंसिर १० बजे विहान कन्चनपुरको महेन्द्रनगर गड्डा चौकी, अतरीया–कोणसभा, कैलालीको धनगढी–अन्तरक्रिया र कोणसभा, लमकी–कोणसभा, टीकापुर–कोणसभा ।
०६६ मंसिर ११ गते
बर्दियाको राजापुर–कोणसभा, गुलरिया–कोणसभा, बा“केको
खजुरा–कोणसभा, नेपालगञ्ज–अन्तरक्रिया, कोहलपुर–कोणसभा ।
०६६ मंसीर १२ गते
दाङको इमलिया–कोणसभा, तुल्सीपुर–कोणसभा, घोराही–कोणसभा र अन्तरक्रिया, लमही र भालुवाङ–कोणसभा, प्युठानको बाङ्गेसाल–कोणसभा ।
०६६ मंसिर १३ गते
कपिलबस्तुको चनौटा–कोणसभा, गोरुसिंगे–कोणसभा, तौलिहवा–कोणसभा, ४ नं–कोणसभा, पर्सा चौराह–कोणसभा, रुपन्देहीको रुद्रपुर–सभा ।
०६६ मंसिर १४ गते
रुपन्देहीको बुटवल–कोणसभा र अन्तरक्रिया, भैरहवा–कोणसभा, नवलपरासीको सुनौली–कोणसभा, परासी–कोणसभा, महेशपुर–कोणसभा, सुस्ता–कोणसभा, त्रिवेणी–कोणसभा,बर्दघाट–कोणसभा ।
०६६ मंसीर १५ गते
नवलपरासीको चोरमारा–कोणसभा, कावासोती–कोणसभा, गैडाकोट–कोणसभा, चितवनको नारायणघाट–कोणसभा, भरतपुर–अन्तरक्रिया, टा“डी–कोणसभा, पर्सा–कोणसभा र मकवानपुरको हेटौडा–कोणसभा ।
०६६ मंसीर १६ गते
बाराको सिमरा–कोणसभा, जितपुर–कोणसभा, परवानीपुर–कोणसभा, पर्साको विरगञ्ज–अन्तरक्रिया र कोणसभा, बाराको कलैया–कोणसभा, बडहरवा–कोणसभा, निजगढ–कोणसभा, रौतहटको चपुुर–कोणसभा, सन्तपुर–कोणसभा, गडुरा–कोणसभा, गौर–कोणसभा ।
०६६ मंसीर १७ गते
रौतहटको चन्द्रनिगाहपुर–कोणसभा, सर्लाहीको हरिवन–अन्तरक्रियात्मक सभा, नवलपुर–कोणसभा, मलंगवा–कोणसभा, लालवन्दी–कोणसभा, महोत्तरीको बर्दीबास–अन्तरक्रियात्मक सभा, हात्तिलेट–कोणसभा ।
०६६ मंसिर १८ गते
महोत्तरीको रामगोपालपुर–कोणसभा, जलेश्वर–कोणसभा, धनुषाको जनकपुर–अन्तरक्रियात्मक सभा, महेन्द्रनगर–कोणसभा, ढल्केबर–कोणसभा, वीरेन्द्रबजार–कोणसभा, गोदार–कोणसभा, सिराहाको वस्तीपुर–कोणसभा, मिरचैया–कोणसभा, माडर–कोणसभा, गोलबजार–अन्तरक्रियात्मक सभा ।
०६६ मंसीर १९ गते
सिराहाको लाहान–अन्तरक्रियात्मक सभा, सप्तरीको कद्माह–कोणसभा, कल्याणपुर–कोणसभा, रुपनी–कोणसभा, राजविराज–कोणसभा, हनुमाननगर–कोणसभा, भारदह–कोणसभा, सुनसरीको भण्टावारी–कोणसभा, इनहरुवा–कोणसभा, इटहरी–कोणसभा,
धरान–कोणसभा ।
०६६ मंसिर २० गते
सुनसरीको धरान–अन्तरक्रिया, तरहरा–कोणसभा, दुहवी–कोणसभा, मोरङको विराटनगर–अन्तरक्रिया र कोणसभा, झोराहाट–कोणसभा, नेताचोक–कोणसभा, बेलवारी–कोणसभा, पथरी–कोणसभा,
उर्लावारी–कोणसभा, झापाको दमक–कोणसभा ।
०६६ मंसिर २१ गते
झापाको दुधे–कोणसभा, सुरु¨ा–कोणसभा, बिर्तामोड–कोणसभा, भद्रपुर–कोणसभा, चारआली–कोणसभा, धुलाबारी–कोणसभा, का“कडभित्ता समापन ।
अन्य कार्यक्रमहरुः
प्रचार–प्रसार, वालपेन्टिङ, पत्रकार भेटघाट, विचारगोष्ठी तथा जनभेटघाटहरु हुनेछन् ।

प्रचार प्रसार विभाग
मेची–महाकाली जनजागरण अभियान–०६६
मितीः २०६६÷७÷२५